Do heqim kryqëzimin e rrezikshëm dhe të mbingarkuar të linjës hekurudhore me rrugën Webster, Dandenong.

Heqja e këtij kryqëzimi të linjës hekurudhore me rrugën do të përmirësojë sigurinë për shoferët, këmbësorët dhe çiklistët e do të përgatisë zonën për zhvillimin e ardhshëm.

Po ashtu, do të reduktojë mbingarkimin e rrugëve dhe do të sigurojë një rrjet rrugor më të besueshëm, më të ndërlidhur dhe kohë udhëtimi më të shkurtër.

Vlerësimet teknike dhe inxhinierike kanë përcaktuar se zgjidhja më e mirë për rrugën Webster është mbyllja e rrugës për automjetet në kryqëzimin e linjës hekurudhore me rrugën dhe ndërtimi i një rruge të re nën linjën hekurudhore, që lidh rrugën Princes Highway-Lonsdale me rrugët Cheltenham dhe Hammond.

Me mbylljen e kryqëzimit të linjës hekurudhore me rrugën, më pak automjete do të udhëtojnë në rrugën Webster dhe automjetet e rënda do të largohen nga rrugët e banimit e nga qendra Dandenong, duke e bërë atë më të qetë dhe më të sigurt për njerëzit që jetojnë atje.

Ndërtimi është planifikuar të fillojë në fillim të vitit 2025, kryqëzimi do të hiqet në vitin 2025 dhe nënkalimi i ri rrugor do të hapet në vitin 2028.

Mbyllja e kryqëzimit të linjës hekurudhore me rrugën dhe ndërtimi i një lidhjeje të re rrugore

Me mbylljen e kryqëzimit të linjës hekurudhore me rrugën, më pak automjete do të udhëtojnë në rrugën Webster dhe automjetet e rënda do të largohen nga rrugët e banimit e nga qendra Dandenong, duke e bërë atë më të qetë dhe më të sigurt për njerëzit që jetojnë atje.

Lidhja e re do të reduktojë mbingarkimin e trafikut në rrugë, do të ofrojë një rrjet rrugor më të besueshëm dhe do të përmirësojë sigurinë.

Një lidhje e re nga lindja deri në perëndim

Ne do të lidhim kryqëzimin ekzistues të rrugëve Cheltenham dhe Hammond me rrugën Princes Highway-Lonsdale duke gërmuar një rrugë të re poshtë linjës hekurudhore.

Automjetet që do të udhëtojnë nga perëndimi në lindje përmes nënkalimit do të mund të kthehen majtas ose djathtas për në rrugën Princes Highway-Lonsdale nëpërmjet një kryqëzimi të sinjalizuar.

Rruga Webster do jetë më e sigurt dhe më e qetë

Njerëzit e komunitetit do të hyjnë që nga skaji perëndimor i rrugës Webster nëpërmjet rrugëve Hammond dhe Bryants dhe skaji lindor i rrugës Webster do të përdoret nëpërmjet rrugës Princes Highway-Lonsdale.

Këmbësorët në rrugën Webster do të jenë ende në gjendje të kalojnë nga njëra anë e linjës hekurudhore në tjetrën, megjithatë, vendndodhja e këtij shtegu është ende duke u finalizuar.

Ndryshimet në rrugën Thomas

Rruga Thomas do të shndërrohet në një rrugë pa kalim ku mund të hyet/përdoret nëpërmjet rrugës Foster me një zonë të re për t'u kthyer e cila do të ndërtohet në fund të rrugës.